Lækkanir

Hvernig vaktin mælir

Verðbreyting og flokkar

Tvö samliggjandi verð í verðsögu sömu auglýsingar, bæði að minnsta kosti 1 M kr, eða sama eign (fastanúmer með auglýstri stærð og herbergjafjölda) endurbirt í nýrri auglýsingu á öðru verði eftir að sú eldri hvarf. Hver breyting ber einn þriggja flokka: lækkað í auglýsingu og hækkað í auglýsingu (verði breytt innan sömu auglýsingar) og endurbirt á nýju verði (síðasta verð eldri auglýsingar borið við fyrsta verð þeirrar nýrri). Endurbirtingar teljast með, merktar sér. Sama breyting sömu eignar telst einu sinni.

Dagsetningar

Okkar athuganir, ekki seljandans: nýja verðið er dagsett með fyrstu sókn okkar sem sá það — athuganaskrá, eigin hrá-sóknir 26. júní 2026–7. september 2026 eða vikuleg sópun, í þessari forgangsröð — og fyrra verðið með síðustu athugun á því. Auglýsingavefir endurdagsetja auglýsingar, svo við fullyrðum ekkert um hvenær seljandi breytti. Þegar vikuleg sópun sér nýtt verð á undan næturuppfærslu verðsögunnar birtist breytingin hér allt að sólarhring síðar, dagsett með fyrstu sókn sem sá nýja verðið.

Nefnari

Eignir (fastanúmer) með virka íbúðaauglýsingu til sölu á uppgefnu verði, talið við síðustu uppfærslu og per stöðu nýbyggingarofans: Allt 7.403 = Án nýbygginga 5.565 + Aðeins nýbyggingar 1.838. Auglýsing telst virk þar til fjarvera hennar er staðfest; sama skilgreining ræður hvort eign í teljaranum er „á sölu“, svo hver talin eign er í nefnaranum. Lækkanir og hækkanir eru taldar í eignum, eins og nefnarinn — eign sem lækkaði tvisvar telst einu sinni. Mánaðarskýrslan telur eignir á sölu þrengra (auglýsing sem sópun saknaði einu sinni er þar ekki talin) og fær því lægri tölu.

Svæði

Höfuðborgarsvæðið eru eignir með póstnúmer 101–116, 170, 200–203, 206, 210, 212, 220–222, 225, 270–271, 276; landsbyggðin önnur þekkt póstnúmer. Póstnúmerið er það sem HMS skráir á fastanúmerið. Þetta er sama skilgreining og kafli Verðvaktarinnar í mánaðarskýrslunni notar — Suðurnes og Vogar teljast til landsbyggðar. Á sölu núna: höfuðborgarsvæðið 4.264 + landsbyggðin 3.139 = 7.403. Svæðarofinn og nýbyggingarofinn mynda saman níu úrvöl og hvert ber eigin nefnara; úrval með færri en 50 eignir á sölu birtir stöðumerki í stað talna.

Draugar

Auglýsing getur staðið virk í gögnum okkar eftir að eignin er farin af sölu. Í nýjustu þekjuprófun (9. október 2026) reyndust 0 af 31 prófuðum eignum farnar án þess að vaktin vissi (1 óviss). Nefnarinn getur því verið lítillega of hár.

Listar og röðun

Topp-listar aðalsíðunnar sýna eina færslu per eign (mesta breyting hennar í glugganum); sér-síður flokkanna sýna allar dagsettar breytingar, ein færsla per breyting, í skömmtum. Röðunarrofinn (kr / %) raðar eftir breytingu í krónum eða í hlutfalli af fyrra verði — talan sem raðað er eftir stendur stærst í hverri færslu.

Farnar af sölu í rofanum

Sjálfgefið sýnir vaktin eignir sem eru enn á sölu. Rofinn „Líka farnar af sölu“ bætir við verðbreytingum eigna sem síðan hurfu úr auglýsingum og fjarveran var staðfest; talan á rofanum segir hve margar það eru í glugganum. Staðfesting fjarveru tekur nokkrar vikur eftir að nýja verðið sást, svo viðbótin er lítil í 30 daga glugganum og stærri frá áramótum.

Nýbygging

Auglýsingamegin: byggingarár sem auglýsingin ber (annars skráð byggingarár HMS) í fyrra eða síðar, eða HMS skráir eignina ófullgerða. Orðið „nýbygging“ í texta dugar ekki eitt og sér — það finnst á eignum byggðum 1950–2024. Rofinn hefur þrjár stöður — Allt, Án nýbygginga, Aðeins nýbyggingar — og Allt = Án + Aðeins, bæði í teljara og nefnara. Breyting er flokkuð eftir auglýsingunni sem hún varð í; í nefnaranum telst eign nýbygging ef einhver virk auglýsing hennar uppfyllir regluna. Eign sem hvorki ber byggingarár né byggingarstig telst ekki nýbygging.
Fasteignasölu-röðunin flokkar sölur á kaupsamningsdegi úr kaupskrá og telur byggingarár tveimur árum á undan söluári með (sala 2026: byggð 2024 eða síðar). Á sölum júlí–ágúst 2026 sem finnast í báðum er flokkunin sú sama í 982 af 1.013 (96,9 %); 26 af 31 frávikum eru eignir byggðar 2024.

Stærð

Sú sem auglýsingin ber. Sé hún sama tala og skráð heildarstærð HMS og eignin á bílskúr sem matseiningu er það merkt „m/ bílskúr“ — kr/m² miðar þá við heildina.

Farin af sölu

Vikuleg sópun okkar fann auglýsinguna ekki tvær vikur í röð. Þinglýsing kaupsamnings berst oftast 1–6 vikum eftir síðustu athugun, svo nýjustu hvörfin eru eðli máls óráðin.

Kort

Punktar eru hnit HMS-staðfangs fastanúmersins, ekki auglýsingarinnar. Eign án skráðra hnita birtist í listum en ekki á korti; nefnarinn undir kortinu telur þær. Fjöleiningahús deila staðfangi og birtast sem einn punktur með tölu.

Fyrirvarar

Fasteignamat kemur hvergi við sögu. Prósentur án nefnara birtast ekki. Skoðaðu aðferðafræðina fyrir gagnalindirnar.