Verðmat á verðmat.ai byggir á þinglýstum kaupsamningum frá 2006 — raunverulegum viðskiptum, ekki ásettu verði. Matið er reiknað með tölfræðilíkani sem ber eignina saman við sambærilegar seldar eignir og birtir alltaf vissubil, ekki bara eina tölu. Hverju mati fylgir gæðaflokkun sem segir hversu vel gögnin standa undir því. Þegar gögnin duga ekki segjum við það hreint út — frekar en að birta tölu sem lítur út fyrir að vera nákvæmari en hún er. Vissubilin eru auk þess vöktuð mánaðarlega: raunþekja þeirra er mæld gegn nýjustu þinglýstu sölum og endurþjálfun líkansins flýtt ef mælingin víkur frá 80%-markmiðinu tvo mánuði í röð. Aðferðafræðin verður birt hér í heild þegar verðmats-agentinn opnar.
Eigindi sem eru skráð á eignasíðu — ástand, herbergi, geymsla og fleira — birtast strax á síðunni og í samanburði, en breyta ekki vélræna verðmatinu sjálfu í dag. Matið kemur úr líkani sem er þjálfað á skráar- og sölugögnum; mælingar hafa sýnt að eigindalagið ber enn of þunnt merki til að hreyfa matið af ábyrgð. Verði eigindaleiðrétting tekin upp síðar verður það gert að undangenginni opinni mælingu — ekki með handstillingum.