Lækkanir

Hvernig vaktin mælir

Eining

Fastanúmer með auglýstri stærð og herbergjafjölda. Sama íbúð birtist oft undir mörgum auglýsingum með tímanum; vaktin raðar þeim í tímaröð og ber saman síðasta verð eldri auglýsingar við fyrsta verð þeirrar nýrri — aðeins þegar sú eldri var horfin áður en sú nýrri sást. Verðbreyting innan sömu auglýsingar telst aðeins með þegar vikuleg sópun okkar eða athuganaskrá hefur dagsett hana.

Dagsetningar

Okkar: hvenær við sáum fyrra verðið síðast (eða skráðum það fyrst) og hvenær við sáum nýja verðið fyrst. Auglýsingavefir endurdagsetja auglýsingar, svo við fullyrðum ekkert um hvenær seljandi breytti.

Listar og röðun

Topp-listar aðalsíðunnar sýna eina færslu per eign (mesta breyting hennar í glugganum); sér-síður flokkanna sýna allar dagsettar breytingar, ein færsla per breyting, í skömmtum. Röðunarrofinn (kr / %) raðar eftir breytingu í krónum eða í hlutfalli af fyrra verði — talan sem raðað er eftir stendur stærst í hverri færslu.

Farnar af sölu í rofanum

Sjálfgefið sýnir vaktin eignir sem eru enn á sölu. Rofinn „Líka farnar af sölu“ bætir við verðbreytingum eigna sem síðan hurfu úr auglýsingum og fjarveran var staðfest; talan á rofanum segir hve margar það eru í glugganum. Staðfesting fjarveru tekur nokkrar vikur eftir að nýja verðið sást, svo viðbótin er lítil í 30 daga glugganum og stærri frá áramótum.

Nýbygging

Byggingarár í fyrra eða síðar, eða HMS skráir eignina ófullgerða. Orðið „nýbygging“ í texta dugar ekki eitt og sér — það finnst á eignum byggðum 1950–2024.

Stærð

Sú sem auglýsingin ber. Sé hún sama tala og skráð heildarstærð HMS og eignin á bílskúr sem matseiningu er það merkt „m/ bílskúr“ — kr/m² miðar þá við heildina.

Farin af sölu

Vikuleg sópun okkar fann auglýsinguna ekki tvær vikur í röð. Þinglýsing kaupsamnings berst oftast 1–6 vikum eftir síðustu athugun, svo nýjustu hvörfin eru eðli máls óráðin.

Kort

Punktar eru hnit HMS-staðfangs fastanúmersins, ekki auglýsingarinnar. Eign án skráðra hnita birtist í listum en ekki á korti; nefnarinn undir kortinu telur þær. Fjöleiningahús deila staðfangi og birtast sem einn punktur með tölu.

Fyrirvarar

Fasteignamat kemur hvergi við sögu. Prósentur án nefnara birtast ekki. Skoðaðu aðferðafræðina fyrir gagnalindirnar.